بليز شوفوا طبيب نفسي

يا اخوانا عندي ملحوظه مهمة

ان اغلب الناس بتدخل المنتدى حتى الاعضاء بيدخلوا كزوار

مافيش تعليق
ويدخلوا على الايميل

ارجو اي بني ادم قبل مايفكر يتصل بيا

او يدخل على الايميل
يتفضل يعمل زيارة لطيب نفسي
لاني زهقت ان كل فاشل في حياته يقول جن وسحر

واحده تدخل تقول انا تخينه بسبب سحر معمول ليا

ده مش سحر ده طفاسه

وواحد خسر فلوسه في البورصه يقولك انا محسود
ده مش حسد ده سؤ اتخاذ قرار

حد يقول انا مخنوق من عيالي وبتعصب عليهم

ده انفعال بسبب ضغط شغلك وعدم استقبال من المدام

واحده تقول انا مش طايقه اخد جوزي في حضني

فيه اختراع اسمة السواك لو ماتعرفوش معجون السنان

وفيه اي برفان ممكن يعجبك هادية بازازة

يا اخوانا احنا في زمن مادي والاسعار بترتفع وفيه ضغوط بنتعرض لها
محتاجين مهدئات ومش معنى كده ندمن
لكن فيه اطباء نفسيين

ممكن نتكلم معاهم نصاحبهم نستشيرهم

لكن والله اغلب اللي بيتصلوا او بيتكلموا على النت عندهم اعراض نفسيه مش سحر ولا حسد

ولا اي عرض روحي
والله العظيم
ليه بتعلقوا كل حاجة وكل فشل على شماعة الغيبيات

زي اللي تكون سمينه وتقولك ماما بتعمل اكل مش صحي

وماتفكرش تعمل دايت
واللي يسقط يقولك الاستاذ مابيعرفش يشرح
ومافيش فلوس لدرس خصوصي
طه حسين كان اعمى ومكانش فيه مدرسين خصوصي

واللي يقولك انا خسرت فلوسي في التجارة بسبب سحر
لاء بسبب الاسعار اللي انت بتبيع بيها
بالاضافه لتفاهة المنتج اللي بتشتغل فيه

يا اخوانا فيه حاجات اهم في حياتكم محتاجة تتوقفوا عندها
وتهتموا بيها

الوقت الضايع اللي بتقضيه ست على النت عشان تدور على شيخ يصالحلها جوزها
ممكن تروح لكوافير يعملها شعرها
وتاخد حمام حلو وتتعطر
وتهيئ جو لجوزها يرجع تعبان ترفه عنه
وتصلح امورها معاه

الوقت الضايع ده استغليه لصالح بيتك واولادك

اللي بيقعد على النت عاوز شيخ يعمله قبول وتسهيل للرزق
ماتستغفر ربنا شويه هو مش قال

{وَيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَاراً وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْاْ مُجْرِمِينَ }هود52

ثُمَّ إِنِّي أَعْلَنتُ لَهُمْ وَأَسْرَرْتُ لَهُمْ إِسْرَاراً{9} فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً{14}نوح

الانسان عنده عزيمة واراده وطاقه يحولها لشيئ سلبي ويفضل ضحيه للشياطين من الجن والانس سواء مشايخ او نصابين

او طاقه ايجابيه يصلح شان نفسه وامته ومجتمعه بفضل لله
ويكون لافضال الله عليه حامد شاكر

يا اخوان انتبهوا وارجوكم اهتموا باشياء اخرى غير الغيبيات

لاننا اوطان مستهدفه وشعوب مقهورة واعدائها بتدخللها من تحت اكتر من ساتر
بلاش نضيع
محتاجين ننتبه ونتقرب من ربنا شويه
ممكن فرد يكون مادياته عاليه ومش حاسس بمعاناه غيرة من الفقرا
لكن ينظر لمتسوى اعلى من الصورة هيلاقي ان وطنه لو ضاع فلوسه مش هاتنفعه
مادمنا بنفتكر ربنا في الاحزان
مافيش لحظه حزن على وطن
؟
مافيش لحظة حزن ععلى دين مستهدف ؟

ولو فيه فيه اهتمام حثيث يفضل يكون في كيف تتقرب الى الله لا ان تبتعد عنه