ايجابيات جديدة

موضوع: ايجابيات جديدة السبت فبراير 12, 2011 6:04 am

من النهاردة دي بلدك انت،

ماترميش زبالة،

ماتكسرش
إشارة،

ماتدفعش رشوة،

ماتزوّرش ورقة،

اشتكي أي جهة تقصّر في شغلها..

متسمحش
لظابط يعذب مصري زيك..

اوعى تصنع "مبارك" تاني لو شايفة بكسمك ديكتاتور ياتور ..

استمتع بحياتك..

اقرا
وثقف نفسك..

حب نفسك وحب الناس اللي حواليك..

اوعى تعاكس بنات في الشارع..

اوعى تهين حد..

اوعى تسخر من حد..

أوعى تنسى حريتك أبداً..

اوعى ماتشتركش
في الانتخابات....

خلي بلدك اجمل بيك

قالو علينا عيال ومالناش فى السياسة

وإحنا نهد جبال ولا نخشى الحراسة

قالوا مفيش خوف منا وكفاية الدراسة

ومايعرفوش إن إحنا أساتذة وخُلاصة

وإن إحنا جيل مش عادى مفهوش جين الوراثة

...لا عرفنا يوم الذل ولا عشنا فى إهانة

شايفين حكومة تذل وبلادنا متهانة

وناس كتير وكلانة وناس يا عينى جعانة

لا رضينا نبقى عبيد ولا يكوى فينا السيد

مدينا إيد ورا إيد وغزلنا فجر جديد

صبح على بلادى شمس وشايلها شهيد

شايفه باصص علينا فرحان وهو بعيد

دمه اللى طاف اراضينا من طهره نور بيأيد

نور قلوب فينا كانت ضلامها شديد

ويعدى يوم ورا يوم والثورة صوتها يزيد

آدى العيال الفاضية اللى مش بتفيد

شوفوا كام شهيد راح منهم علشان بلدنا تعيش

شوفوا كلهم بيضحوا ويموتوا واحنا نعيش

وبيكتبوا بأديهم تاريخ ما هيتمحيش

وآدى الشباب الفاضى اللى ما شفش الجيش

فى عز نصره مكمل حلمه ما بينتهيش

آن الاوان يا بلادى تصحى وما تناميش

من انهارده يا حرة تعلى وما هتنزليش

وآدى الحكاية بس البداية

مصر الجميلة مالهاش نهاية

شباب مصر الاوفياء

مش عايزين واسطة ولا محسوبية ولا رشوة ولا ظلم.

كفاية شبعنا

عايزين الشرطة تكون في خدمة الشعب بجد مش شعار وبس

عايزين نشتغل بجد

ونخاف على بعض ونحب بعض

مش مهم مين يكون زعيم

المهم يكون شريف ونزية ويمنع الظلم

مش عايزين لا امريكا ولا حد يحركنا عايزين الشعب هو اللي يحركنا

عايزين الروح الحلوة والصمود اللي كان في ميدان التحرير

لازم نحاسب المفسدين اللي اغتصبوا دم الغلابة وقتلوا شبابنا بالرصاص

بعشق ترابك

بعشق كل حاجه فيكى

عاشق مستقبلك وهنسا
ماضيكى

مش خايف من الى جى عشان شبابك فيكى

وبدعى ربنا على طول الزمن يحميكى

يامصر ياحته منى وروحى مش كتير عليكى

لو طلبو منى الموت اموت فدا ليكى