ماذا بعد

موضوع: ماذا بعد الخميس فبراير 10, 2011 6:39 pm

الاهتمام بالزراعة وخصوصا القمح لان عيب نكون بلد زراعي وعندنا نيل ونستورد قمح

الاهتمام بإعادة زراعة القصب السكر س9 لانه بينتج سكر وعدم زراعة س90 لانه بيطلع خشب

وده هيساعد على خفض الاسعار ورخص رغيف العيش

واعادة الدعم الكلي للسلع الاساسية والاسكان لان تحميلها على الدولة هايخليها تعمل المستحيل

وحوار ميه النيل احنا عندنا مياه جوفيه بالكوم ممكن نسقي بيها

نبطل نسقي بميه المجاري لاننا كلنا جالنا فشل كلوي

وماننساش اننا لازم نهتم بدول المنبع لانهم اصحاب قرار تحويل او سداو منع مياه النيل لموقعهم الجغرافي

توزيع الاراضي على الخريجين مع تقديم قروض لاصلاحها

رفع السن في الاسكان التعاوني لان مش معقول شاب عنده عشرين سنه يلاقي شقه معوش تمنها ويتنازل لانه

معوش اقساطها وواحد عندة فوق الاربعين ومش لاقي

الاهتمام بالعشوائيات وتخطيطها بطرق سليمة وانشاء مدارس وعيادات ومراكز محو اميه وتوعيه

منع استخدام العمالة الاجنبيه لان وجودهم بيقلل فرص العمالة المصريه واحنا مهريين بطالة

الغاء قانون الطواريئ لانه السبب المباشر لطغيان السلطة التنفيذيه

وبما ان بعد الثورة صفحة جديدة اقترح عفو عام عن المساجين اللي سلمت نفسها بعد ما اتفتح لهم السجون مع

منحهم اماكن اقامة في احدى المدن الجديده وانشاء مصانع فيها لتشغيلهم وتحويلهم لعناصر منتجة بدلا من مستهلكة

واللي يتمسكوا بعدها ممكن الشركات الكبرى في مجال الانشاأات تستخدمهم مقابل اجر معقول ومناسب للطرفين

انشاء عده مواقع حكومية تقبل الاستفتاات وتتلقى الشكاوى من وعن والى المؤسسات المهمة

يعني القرار يكون بالاقتراع والمشاركة مع الشعب

والاهم اننا نحسن من نفسنا ونكون على قدر المسئوليه يعني بلاش نكسل ونقول الحكومة تعمل كل حاجة

الاموال المصادرة من الناس اللي اتوقفت واستغلت نفوذها تتخصص لصندوق يسد ديون مصر

اللي هي 120مليار

لو اتسدوا وقتها محدش هايفرض علينا اقتراحات وهانحكم نفسنا ذاتيا

موضوع: رد: ماذا بعد الجمعة فبراير 11, 2011 6:35 pm

للاسف بعض التعليقات في صفحات الفيس بوك بتتحذف من قبل القائمين عليها

وطبعا ده حجر على الحريات

وميض الفجر
مصر
بعد الثورة وبعد الانتفاضه لا بد لها من حكم اسلامي وحاكم يختاره الشعب
بعيداً عن العمالة الأمريكيه واليهوديه حاكم وحكومه تعرف قدر شعبها تعيش
معهم الهموم والأفراح

ده كان مشاركة

وكان ردي ان

الاسلام دين الفرد

يعني الفرد يعدل من نفسة ومن تصرفاته ويحسن معاملة ربنا في الناس
ويطبق التعاليم في اسرته ومن ثم المحيطين بيه
وبهذا ينتشر الحكم الاسلامي

وقلت ان ايران انتشرت على المبداء الشيعي
علنا ولكنهم سرا مافيش اسلام

وان الفاتيكان علنا كاثوليك وسرا شيئ اخر

وان اسرائيل علنا يهوديه وسرا وجهرا شيئ اخر

ولكن المداخلة اتحذفت

حد يعرف السبب ؟؟؟

السبب ان صاحب الصفحة ابن متناكة في نظري

موضوع: رد: ماذا بعد السبت فبراير 12, 2011 12:25 am

حسين سالم

فلسع

من اول يوم

خط الغاز اللي رايح اسرائيل انضرب

قطر تعلن انها على استعداد لتمويل اسرائيل بالغاز

وبسعر مناسب افضل من السعر المصري

اتمنى ان الحكومة الجديده توقف المقاولة دي

لان الراجل المتعهد مش موجود

وطبعا اسرائيل حقها عند الراجل اللي مش موجود

يروحوا يحاسبوة

وقطر تنفذ

ونشوف الرائي العام العربي اللي كان ضد مصر في امداد اسرائيل الغاز هايقول ايه